فنانة مصرية: يعجبني الرجل الذي يتزوج 4 مرات

دسمان نيوز – قالت الفنانة ميسرة، إنها ليست مضربة عن الزواج، ولكن يجب أن يكون مناسبًا لها فكريا، موضحة مواصفات فتى أحلامها ورأيها في الرجل المصرى واللبنانى.

وأضافت «ميسرة» خلال حوارها ببرنامج كلام الناس تقديم الإعلامية ياسمين عز، المذاع عبر قناة «ام بى سى مصر»، «معنديش مشكلة أتجوز واحد متجوز، لو حبيته، واقتنعت بيه ممكن أتجوز، ولا عندى مشكلة إن الراجل يتجوز عليّا وهبقى كويسة معاها، وهقدر أتحمل الظروف دى، وبالعكس مراته التانية هتبقى صاحبتى».


وأشارت: «شئنا أم أبينا، الرجالة عندهم مبدأ التعدد، معلقة «وإلا يبقى إحنا بنضحك على نفسنا لأن الراجل أول ما ربنا بيكرمه ويبقى معاه فلوس بيتجوز، هو ربنا خالقه كده، والراجل بيبقى قادر في حاجات كثيرة جدا لغاية سن متقدم عن الست، فلو الست قصرت معاه في حاجات معينة، وهو محتاج واحدة تانية ومش عايز يغضب ربنا فيتجوز، وربنا أحل له ده».

وتابعت: «لو الست عاملة له كل حاجة وهو طفس ليها حق أنها ترفض أو تقبل، بس أنا عارفة ستات كتير تقولك جوزى يصاحب بس ميتجوزش عليّا، طيب ما هو لو صاحب أنتى بتشيليه ذنب، أنا لو متجوزة ومقصرة مع جوزى في حاجات ومش قادرة أديهاله وهو بيدور عليها موافقة يتجوز عشانها، أنا لازم أبقى عادلة مع نفسى ومع غيرى، لكن لو أنا مش مقصرة وعايز يتجوز مقدرش أقبلها وهنفصل عنه بهدوء».

لافتة أن الرجل المصرى، «لو ضحك مع واحدة في الشارع مراته بتسود عيشته وكذلك هو لو مراته ضحكت مع واحد بيسود عيشتها».

وعن مواصفات فتى أحلامها، قالت «لا بد أن يكون مناسب ليا فكريا، لازم زوجى يكون مثقف، طموح، يكون أعلى منى ويحسسنى بالأمان».


وكشفت الفنانة ميسرة سبب ابتعادها عن الساحة الفنية، قائلة: «اختفيت قبل الثورة وكنت متأثرة بيها ومكنتش قادرة أشتغل وأما رجعت الأعمال كانت قليلة والورق اللي جالى مكنش حلو، ومش عايزة أرجع الست اللى بتخرب بيت الناس عايزة أرجع بنيولك جديد».

ترك الرد

من فضلك ادخل تعليقك
من فضلك ادخل اسمك هنا