أمنية الصفتي تكشف أحدث الطرق لعلاج مرضى التوحد

دسمان نيوز – أجرت جريدة دسمان نيوز حوار مع أمنية الصفتى مدير مؤسسة المركز العربي للتوحد و المهارات ، بمناسبة اليوم العالمي للتوحد والهدف منه هو التوعيه بإضطراب طيف التوحد.

في البداية ماهو تعريف اضطراب التوحد

يعني اضطراب و مرض يصيب الجهاز العصبي وبيأثر على وظائف المخ و بيظهر في ٣ حاجات أساسية هي:

التقليد_ اللغه_التفاعل الاجتماعي

متى يحدث؟

يحدث ال ٣ سنوات الأولى من العمر

هل بيحدث في الطفولة المبكرة؟

لا، لأن هناك أطفال بيتولدوا متفاعلين وبيتكلموا وبعدين فجأة كل ذلم بيتغير، مضيفة لايوجد نطق او الكلام ضعيف جدا، ولايوجد تواصل أو تفاعل غالبا بسبب تطعيم الثلاثي عند عمر سنة ونصف ، واحيانا نلاحظ الأعراض من ال ٦ شهور الأولى .

أسبابه ايه؟

متعدد الأسباب : ممكن من البيئه والتلوث او عوامل وراثة، بتضر الجهاز الهضمي واماكن كتير في الجسم بيأثر على وظايف المخ و الجهاز العصبي .

ماهي أعراض التوحد ؟

  • تأخر الكلام
  • حركات تكرارية
  • ضعف تفاعل اجتماعي
  • ضعف تواصل بصري

_الطفل بيتفاعل ويحب يتعامل مع اشياء اكتر من أشخاص.

_بتبذل مجهود عشان تخليه يلعب بالحاجة صح.

_بتبذل مجهود عشان يلعب مع حد فسنه، تنادي عليه مش بيرد، مش بيبص فعينك.

ماهو علاجه؟

افضل و احدث علاج مالوش اضرار ولا اثار جانبية هو الطب التكاملي
Homeopathy therapy

مع التدريب المكثف الصح،
بالإضافة لبعض المكملات و نظام غذائي مناسب لكل طفل.

هل الأطفال من الوارد تحسنهم ؟

التوحد درجات منها بسيطه ومتوسط وشديده.

أطفال الدرجة الخفيفه: بنشتغل معاهم ومنهم كتير بتظهر النتائج بسرعه و بيتقبلوا في مدارس وبيدرسوا المنهج العادي وبينجحوا وبيندمجوا ويتفاعلوا مع زملائهم.

أطفال الدرجة المتوسطه: بيحتاجوا تدريب اكتر من أطفال الدرجة الخفيفة وبرضوا بيدرسوا المنهج العادي مع بعض المساعدات والوسائل المساعده، وبيحتاجوا تدريب عشان يتفاعلوا مع زمايلهم.

أطفال الدرجة الشديدة: بيكون صعب عليهم الالتحاق بالمدارس وبيكون التركيز على تدريبهم على المهارات الحياتيه زي الاعتناء بالنفس والعنايه بالذات وأيضا التفاعل مع غيرهم ( ممكن نأهلهم مهنيا و ندربهم على حاجة بيحبوها تشغل وقت فراغهم او تكون وظيفة في مكان يحتويهم و يقبلهم .

كيف يمكن مساعدتهم؟

حضرتك لو مدرس فالمدرسه للفئه دي لازم تعرف ان الاهل بيبذلوا مجهود خرافي وبيدفعوا مصاريف كتيييير جدا عشان الولاد ينجحوا في المدرسه كدراسه و تفاعل اجتماعي و التزام بالسلوكيات المقبله، فدور حضرتك هيكون الحب ودا الأساس، هتشجع الولاد دول مثلهم مثل اي طفل داخل الفصل وتطلب منه يشارك وتعززه، لو عمل سلوكيات خطأ تسأل الاهل او حد متخصص عن الأسلوب الصح فالتعامل معاه، تطلب من زمائله يتفاعلوا ويلعبوا معاه ويتعامل ا معاه باحترام وآدميه من غير تقليل او سخرية أو تنمر.
لو حضرتك أم طفل لايوجد لديه تأخر اكيد ليكي دور إنساني ومجتمع وهو انك توعي ابنك او بنتك ان فيه ناس مختلفه حوالينا دورنا مش خوف منهم او تجنبهم، لكن دورنا نقرب منهم ونفهمهم ونحبهم ونتعامل معاهم لان بالشكل دا هتساهموا في تعديل سلوكهم بشكل كبير وملحوظ جدا.

وناشدت الصفتى المجتمع أن يكون لديهم الوعي إزاء التعامل مع اضطراب طيف التوحد، وتؤمن أنه بإتحادنا المجتمع سيكون أفضل.

ترك الرد

من فضلك ادخل تعليقك
من فضلك ادخل اسمك هنا