محمد خلف يكتب ،، قانون أبوي ما يقدر إلا على الماما ديالي  !.

0
200
تحت بند لسنا الوحيدون ولكننا متميزون قالها الخبير ( وهو يضحك ) جاء تحذير هيئة البيئة لمرتادي جسر الشيخ جابر !.. بعد ان دعت المواطنين والمقيمين ( سلم نفسك المكان محاصر ) إلى الالتزام بقانون البيئة الذي يمنع القاء المخلفات بجميع أنواعها على جانبي الجسر .. وأكدت أنه سيتم تطبيق القانون على المخالفين وضبطهم والتحقيق معهم وإحالتهم إلى النيابة .. وأفادت بأن القانون يتضمن بابا كاملا للعقوبات على المخالفات البيئية إذ تتراوح العقوبات ما بين غرامة تبدأ بـ 50 دينارا وتصل إلى مليون دينار .. اضافة الى الحبس الذي يبدأ من 24 ساعة ويصل الى الحبس المؤبد .. بل والإعدام ( ‏إخوانا الكوايته عليكم طلعات ) في حالة مخالفة أحكام المادة 25 من القانون وهي الخاصة بالنفايات النووية !.

المعاق : إعدام ( قوي صاحب القرار ) مره وحده ؟!.. ( ضحكه ) قوية والله قوية ودي أصدقها بس ما جن الجماعة تحمسو شوي شوي وخذ عيني ؟!.
الرجل : هذا الكلام السنع زين يسوون فيهم خل يتأدبون هالمصبنه .. وياليت الإعدام يكون بموقع الحدث عشان يتأدب كل واحد تسول له نفسه اللعب بمقدرات ومشاريع البلد !..
الشايب : أبوي ما يقدر إلا على أمي !.. على هونك يابو الرجال لا يأخذك حماس الوطنية (وش اخر اخبار اسهمها ؟ ) بعيد تري ما درا عنك احد ولا اثنين !.. ان كنت ناسي فيتامين واو أفكرك !.. ياما فيتامين واو سهل أمور مسكره !.
الشاب : أبوي ما يقدر إلا على أمي هذا مربط الدونكي ( اعزكم الله ) والله انك جبتها من اخرها ياحجي !.. انشهد ان خبرة السنين هي اللي أنطقتك بالكلام الصح !.. حنا ودنا قبل تنفيذ الإعدام او السجن بحاذف قوطي او بطل او واحد شارب شاي من قوري مصدى او ثاني يبي السمك ( يلكه ) يسكر نشوف احد تحاسب من اللي باقو المال العام والتأمينات واراضي البلد واللي تسببوا بخساير الداو .. او أهل الإيداعات او اللي اشتروا ذمم الناخبين بالانتخابات .. او شوف عيني كم محامي يدخن زقارته تحت علامة ممنوع التدخين بمحكمة الجهراء !.. يا جماعة الربع يا اهل الهيئة الشق عود وكمان وطبله !..وقبل ما اختم اذكركم وش سويتو للي أتلف ( لنا نص سنه نراوغ كما يراوغ الحصني ) شوارع الكويت كلها ؟.

المتمولس : الله هييه يعني فعاليات العيد الوطني والتحرير اللي جايين نقضيها على جسر جابر مدازز بالبحر بدل اللعب بالماي والأخير هو اللي فايز .. وفي هذه الاثناء. رفع على مسامعنا الشيخ زغلول اذان الظهر .
محمد خلف – دسمان نيوز

ترك الرد

Please enter your comment!
Please enter your name here

This site uses Akismet to reduce spam. Learn how your comment data is processed.