درايش : صفارة النهاية! بقلم : وضّاح

0
0

تسابقوا في آخر الشوط “فرسان”

كلٍ يبي يسجّل “هدف” من نصيبه

حتى الذي معروف نايم وكسلان

قلبه انخطف، حَس النهايه قريبه!

وذاك “المدرّب” حرّك فلان وفلان

قال الهدف إن ما تصيبه… مصيبه

لعب الكرَه وسط البرايح مسيّان

أكيد ياتي في نتايج غريبه

من غير ضو الكل لا شك خسران

وجمهورهم قط الدلو في جليبه

ضاعت بلد ياللي تدوّر وحيران

وما كل شي إن ضاع تقدر تجيبه

الجريدة

ترك الرد

Please enter your comment!
Please enter your name here